Хезмәт

Студентлар юлда бушлай йөри башларга мөмкин

Проектта вузлар студентлары һәм техникумнарда укучыларның һәммәсенә шәһәр җәмәгать транспортында бушлай йөрү хокукын бирү күздә тотыла.

ЛДПРның Дәүләт Думасындагы фракциясе “Россия Федерациясендә белем бирү турында” федераль законга өстәмәләр кертү буенча закон проекты әзерләгән.

Анда вузлар студентлары һәм техникумнарда укучыларның һәммәсенә шәһәр җәмәгать транспортында бушлай йөрү хокукын бирү күздә тотыла.

Исегезгә төшерәбез: илнең кайбер төбәкләрендә студентларга ташламалы “проездной”лар рәвешендә билгеле бер ярдәм күрсәтелеп килә. ЛДПР фракциясе төрле төбәкләрдәге студентлар арасында тигезсезлек булмасын өчен шундый тәкъдим белән чыккан. Шул ук вакытта Татарстанда да студентларга карата җәмәгать транспортында йөрүгә бернинди дә ярдәм каралмаган.

Әлеге закон проектын эшләүчеләрнең берсе – Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов.

Ватаным Татарстан

Фото: pixabay.com/ru

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: