Хезмәт

Ярмалар күпме саклана?

Һәр азык-төлекнең үз саклау вакыты бар.

Кайбер хуҗабикәләр азык-төлекне күпләп алып куярга ярата. Ләкин аларның һәркайсының үз саклану вакыты бар.



Казылык — 1 ай. Әгәр соры кунык күренсә, аны җылы су белән юып төшерергә һәм туңмай сөртергә кирәк. Салкынча, коры урында сакларга.



Туңмай — 6 ай. Салкын, караңгы урында капкачлы пыяла яисә керамик савытта сакларга.



Атланмай — 10 көн. Яктылыктан сакларга. Суыткычның туңдыру камерасында ике атнага кадәр саклана.



Сары май — 6 ай. Пыяла яисә керамик савытта капкачын каплап тотарга, яктылык тәэсиреннән сакларга.



Үсемлек мае — 3 ай. Яктылык төшмәгән салкынча урында тотарга.



Комбижир — 6 ай. Маргарин — 1 атна. Суыткычта яисә базда өч атнага кадәр.



Он, ярма — 2 ай. Кимерүчеләр керә алмаслык, әйбәтләп капланган савытта сакларга.



Макарон ризыклары — 3 ай. Саклау кагыйдәләре онныкы кебек үк.



Кипкән җиләк-җимеш һәм киптерелгән яшелчәләр — 10 ай. Яктылык һәм дым кермәслек итеп капланган савытта сакларга. Корткычлар һәм күгәрек тигәннәрен алып ташларга.



Томат-пюре — 12 ай. Банканы ачу белән үк файдаланырга. Туңудан сакларга.



Компотлар, сутлар, яшелчә консервалары — 12 ай. Капкачларын тутыгудан сакларга.



Джем, кайнатма, повидло — 12 ай.



Фото: ujut-v-dome.ru

Автор:Зөлфия Фәтхетдинова

https://kiziltan.ru/articles/poleznoe/2022-01-27/yarmalar-k-pme-saklana-2670132

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: