«Бүген балага белем бирү генә җитми»
25 август көнне район мәдәният үзәгендә мәгариф хезмәткәрләренең «Балтач районында заманча мәгариф – һәр укучы өчен мөмкинлекләр тудыру» дигән август киңәшмәсе узды. Киңәшмәдәгеләр Норма урта мәктәбе, Норма балалар бакчасы, мәгариф идарәсе каршындагы күргәзмәләр эшчәнлеге белән танышкачтын, мәдәният үзәге алдында оештырылган «Мәктәпкә әзерләнергә булыш» акциясендә катнашты. Пленар утырыш район башлыгы Рамил Нотфуллинның сәламләү сүзе белән башланды, мәгариф идарәсе җитәкчесе Алия Шагаеваның чыгышы яңгырады.
