Җир кардан арчылуга... төзелешкә тотынасы
Сиксән биш кешелек «Борнак» җәмгыятенең уңышлары, яңалыклары белән даими кызыксынып торабыз, җитәкчене юмалый-юмалый язмалар әзерлибез (Рәфкать Нәҗипов хезмәт кешесен күрсәтергә яратса да, ирешкән уңышларын бәян итәргә бик атлыгып тормый, эшләнергә тиешле йөкләмәләр дип кенә карый). Бу юлы төзелеш өлкәсе белән кызыксындык. Чөнки беләбез, ел саен нидер төзиләр, төзекләндерәләр, быелга чыккач кына да хәйран яңартулар булды. Шуңа күрә бүгенге әңгәмәбез дә уңган борнаклыларның төзелеш эшләре хакында гына.
