Ике авылда... бердәй тормыш
Икесендә дә тормыш кайный, өлкәннәре – олыларча гамь белән, яшьләре яшьләрчә энергия белән, «яшим! » дип яши аларда. Буыннар арасында бәйләнеш тә, матур мөнәсәбәтләр дә сакланып калган. Гаилә җылысын өстен куеп яшәүчеләр дә, хезмәтеннән тәм табып, заманча һөнәрләр үзләштерүчеләр дә, бәхетләрен авылда тапкан һәм шуның белән авылны да бәхетле иткән гаиләләр дә шактый. Иң мөһиме: бу сыйфатлар барысы да авылның үткәненә үк барып тоташа. Бүген сүзем Түбән Субаш һәм Сосна Пүчинкәсе авыллары турында.
