«...Нылпиослэн зэмос воспитательзы луон понна соослы сюлэмдэ сётоно», – шуэм тодмо советской педагог, психолог но гожъяськись Василий Сухомлинский
Туж шонер но синмаськымон кылъёс. Визьнодасьлэн ужез – котькуд нунал сюлмысь тыршемез, трос яратонэз, чиданэз, кужымез но быдэсак астэ сётэмез кулэ карись уж. Лякыт анай но, ӟеч эш но, усто визьнодась но, визьмо дышетӥсь но луыны быгатыны кулэ. Быгатоно котькуд нылпилэсь куронзэ кылзыны но котьмалы ӝог валэктон сётыны. Нош тужгес валтӥсез – пиналъёсты сюлмысь яратоно.
