11 кешене берьюлы яшен суккан
Алар биеклектә селфи ясамакчы булган.
Узган ялларда Һиндстанның Джайпур шәһәрендә коточкыч хәл булган: селфи ясаучы 11 кешене берьюлы яшен суккан.
«Би-би-си» хәбәр итүенчә, 11 июльдә 30 кешедән торган туристлар төркеме Раджастан штаты башкаласындагы борынгы Амер фортының каравыл башнясына менгән. Биредә ул бик популяр урын санала. Һава торышы начар булуына карамастан, туристлар билгеле крепость фонында селфи төшмәкче була. Яшен форт башняларының берсенә – туристлар басып торган урынга суккан, 11 кеше шунда ук һәлак булган.
Тән җәрәхәтләре алучыларның авыр хәлдәгеләре дә бар. Аларны дәваханәгә озатканнар. Яшен атканнан соң башняның стеналары җимерелеп төшкән. Чыганак хәбәр итүенчә, кайбер кешеләр җимереклекләр астында калып һәлак булган. Алар - башлыча, хатын-кызлар һәм балалар.
Яңгырлар сезонында Төньяк Һиндстанда яшен сугудан ел саен йөзләгән кеше һәлак була икән, дип яза Кызыл таң.
Фото: pixabay.com/ru
Автор:Юлия Төхбәтуллина
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев