Хезмәт

Балтач районы

18+
2024 - Гаилә елы
Төрлесе

13 яшьлек малай петарда шартлатканда пешкән

Ел саен кыш республикада айларында пиротехника аркасында дистәләгән кеше яралана.

Арча районында 13 яшьлек үсмер малай петарда яндырып тәнен пешергән. Бу хакта Гадәттән тыш хәлләр министрлыгы Баш идарәсенең күзәтү эшчәнлеге һәм профилактика эшләре идарәсе җитәкчесе хәбәр итә, дип яза "Татар-информ"

Яшүсмерләр пиротехниканы яндырып җиргә ташлыйлар. Бер петарданың очкыны 13 яшьлек малайның синтетик тукымадан тегелгән спорт чалбарына эләгә. Чалбарның тукымасы эри башлый һәм малай аны куллары белән сүндерергә керешә. Нәтиҗәдә аның сул кулы һәм уң аягы пешә.  

Ел саен республикада кышкы сезонда пиротехника аркасында дистәләгән кеше яралана. 2016 елның декабреннән 2017 елның гыйнварына кадәр өч кеше яралана, аларның икесе балалар. 

Татарстан буенча Россия Гадәттән тыш хәлләр министрлыгы пиротехник эшләнмәләрне махсус кибетләрдән яки махсус бүлекләрдән сатып алырга киңәш итә. 16 яше тулмаганнарга пиротехника белән куллану тыела. 

Пиротехниканы кулланыр алдыннан җитештерүченең инструкциясе белән танышырга кирәк. Петарда һәм башка шартлаткычлар белән бары тик район, шәһәр, торак пункт администрациясе рөхсәт иткән махус мәйданчыкларда гына кулланырга ярый.  

Фейрверкларны ыргытырга, җитешсезлекләрен тикшерергә, төзәтергә ярамый, шулай ук куллану вакыты чыккан һәм күзгә күренеп торган җитешсезлекләре булган эшләнмәләр белән куллану тыела. 

Җил тизлеге секундына 5 метрдан артык булганда пиротехниканы куллану тыела, шулай ук эшләп торган ракетаны һәм "шәмне" кешеләргә, тиз янып китә торган предметларга төбәп атарга ярамый. 

Шартлаткыч матдәләрне кесәдә яки тәнгә якын йөртергә, салютларны кулдын җибәрү һәм алар шартлап ике минут вакыт узмыйча аның янына якын килергә ярамый.

Юешләнгән пиротехник эшләнмәләрне җылыту приборларына - җылыткычларга, җылылык батареяларына куеп киптерергә ярамый. Шулай ук балаларга үзләренә генә пиротехник җайланмалар белән эшләргә рөхсәт итү тыела. 

 

intertat.tatar

Фото: Интернет челтәреннән

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: петарда