2020 елда ана капиталының күләме 470 мең сумга җитәчәк
Дәүләт Думасына Татарстаннан сайланган депутат Айрат Фәррахов сүзләренчә, ана капиталы 2016 елдан соң беренче тапкыр 2020 елда гына индексацияләнәчәк.
(Казан, 3 декабрь, «Татар-информ», Динара Прокопьева). Ана капиталы 2016 елдан соң беренче тапкыр 2020 елда индексацияләнеп, аның күләме 470 мең сумга җитәчәк. Дәүләт Думасына Татарстаннан сайланган депутат Айрат Фәррахов «Татар-информ» агентлыгына биргән интервьюсына шулай дип белдерде.
«Бүгенге көндә ана капиталының күләме 453 мең сум тәшкил итә. 2020 елга ул 17 мең сумга диярлек артып, 470 мең сумга җитәчәк», - диде парламентарий.
Айрат Фәррахов әйтүенчә, 2019 елда ана капиталын индексацияләү күздә тотылмый һәм ул 453 мең сум тирәсе тәшкил итәчәк.
Ана капиталы яшь гаиләләргә ярдәм чарасы буларак һәм туучылар санын арттыру максатыннан 2007 елда кабул ителде. Ул чагында аның күләме 250 мең сум тәшкил итә иде.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев