2нче балалар бакчасы яны төзекләндерелә (фото)

Ильнур, 9 сентябрь 2015 - 07:18

2662

Нариман урамында урнашкан 2нче балалар бакчасыныӊ башкалардан бер өстенлеге бар - ул үзәктә урнашкан. Әти-әнигә балаларын калдырырга һәм алырга уӊай, бер исәптән кибетләрне дә йөреп чыгарга була, үзәктә булган вакыйгалардан да читтә калмыйсыӊ.

2нче балалар бакчасы яны төзекләндерелә (фото)

Шушы өстенлек, икенче яктан зур кимчелеккә әйләнә дә куя, чөнки балаларны машина белән китерсәӊ, туктар урын юк, коляска белән илтсәӊ, урамдагы зур йөк машиналары арасыннан йөрергә кирәк.

Ниһаять, бу җитешсезлек күпмедер дәрәҗәдә юкка чыгарга тора. Балалар бакчасыныӊ Нариман урамы кырыеннан су юлын киӊәйтеп, аӊа бетон ябык улаклар урнаштырыла, соӊыннан аныӊ өстендә машиналар белән туктап торырга мөмкин булачак. Җәяүлеләр дә онытылмас, алар йөри торган юл тәртипкә китереләчәк. Җәүлеләр өчен юлларда уӊайлык тудыру эшләренеӊ күбесе киләсе елда башкарылыр, дип фаразлана.