Адиләбез йолдызга әверелде (видео)

Кичә Казанда «Эхо веков в истории семьи — Тарихта без эзлебез » республика бәйгесенең финалы узды.

Зона ярышларында беренче урын яулаган Чапшар авылында яшәүче Гаязовлар финалда да сер бирмәде, беренче урын яулады.

Гаязовлар нәселенең чарада катнашкан иң нәни вәкиленә нибары алты ай. Адилә бу көннәрдә чын йолдызга әверелде.

Җырчы Гүзәл Уразова хәттә аның белән төшкән видеосын үзенең шәхси битенә дә урнаштырды. «Күрегез әле бу курчакны. Күз генә тидермәгез, Машаллаh дип карагыз. Балалар күрсәм мин шулай эреп китәм.  Адилә Дәү Әнисенең 25 нче оныгы. Бүген Камал театрында безнең белән чыгыш ясады. Зур үс кызым. Бәхетле бул», дип яза җырчы.

;