Төрлесе
Аерылышканнан соң балдакны нишләтергә?
Белгечләр киңәшенә игътибар итегез.
Гадәттә күпләр бер-берсенә бик рәнҗеп, үпкәләп, ачуланып аерылыша. Кайберәүләр бу вакытта җан ачуы белән никах балдакларын атып бәрә. Гаҗәпләнерсез, ләкин алар дөрес эшли, еллар буе җыелган негативтан арына.
Психологлар да никах балдагын сакламаска киңәш итә. Хәтта сул кулга киеп йөргән балдак та һәрвакыт уңышсыз мөнәсәбәтләр турында искә төшереп торачак. Бу яңа танышуларны да тоткарларга мөмкин.
Халык сынамышларына ышансак та. Аерылышканнан соң балдакны я ташларга. Я эретеп, башка бизәнгеч эшләтергә кирәк. Әгәр кеше бу балдакны башкага бүләк итсә, ул аңа барлык негативны да күчерәчәк.
Белгечләр, аерылышканнан соң, калган балдакларны негатив өчен «магнит» белән чагыштыра.
Кыйммәтле йөзекне ташлау кызганыч, әлбәттә. Аны ломбардка тапшыру хәерлерәк. Акча артык булмый!
Бик сирәк очракта кешеләр матур итеп, яхшы мөнәсәбәтләр саклап аерылыша. Бу очракта никах балдагын истәлеккә сакларга мөмкин, ди белгечләр.
Автор: Ләйсән Якупова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Нет комментариев