Акча машинасы кайчан килә?

Шушындый сорау белән редакциябезгә соӊгы арада еш шалтыраталар. Эш шунда ки, кайбер җирлекләрдә «Сбербанк» оешмасыныӊ филиаллары кыскартылу сәбәпле, ул Куныр, Нөнәгәр, Кариле, Субаш, Пыжмара, Иске Салавыч, Карадуган һәм Түнтәр авылларына график нигезендә бу банкныӊ махсус машинасы барып хехмәт күрсәтә иде. Соӊгы 3 атнада бу машина урныннарга килми башлаган. Сәбәбе гади, машина ватылган. «Сбербанк»ныӊ Балтачтагы бүлекчә җитәкчесе Ләйсән Ильясова әйтүенчә, бу вәзгыять аларныӊ үзләрен дә бик борчый икән, чөнки мөрәжәгать итүчеләр арасында Балтачка килеп йөри алмаучылар да күп. Хәзерге көндә машина башкалада ремонтта һәм икенче атна башыннан график нигезендә ул үзенеӊ эшен дәвам иттерер, дип ышанам диде ул.