Аксубай районында сүндерелмәгән тәмәке аркасында йорт янган, хуҗасы утта һәлак булган
Янгын Шәрбән авылындагы 99 квадрат метр мәйдандагы йортта чыккан.
(Казан, 29 декабрь, «Татар-информ»). Аксубай районында шәхси йорт янып беткән, янгында ир-атның гомере өзелгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Бүген Аксубай районда төнге сәгать өчтә Шәрбән авылында шәхси йорт янган. Урынга 102нче янгын сүндерүчеләр килгән.
Алар килгән вакытта ялкын йортны тулысынча камап алган, утның теләсә кайсы вакытта сарайга күчү куркынычы булган. Күршеләр йорт эчендә хуҗа булырга мөмкин, дип сөйли. Ярты сәгать дәвамында 99 квадрат метр мәйдандагы янгын тулысынча сүндерелә, ләкин йорт янып беткән. Янгын сүндерүчеләр 57 яшьлек ир-ат мәетен тапкан.
Башлангыч фаразлар буенча, янгын тәмәке тартканда саксызлык аркасында килеп чыккан.
Фото: ГУ МЧС России по РТ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев