Ан-148 самолеты һәлакәтенең сәбәбе аталды

(Казан, 13 февраль, “Татар-информ”). Ан-148 самолеты тулы басым приемниклары бозланып, пилот индикаторларында очыш тизлеге турында мәгълүматларны дөрес бирмәү аркасында һәлакәткә юлыккан булырга мөмкин. Бу хакта РИА “Новости” самолетның үзязгычы параметрик мәгълүматларын укыган Дәүләтара авиация комитеты анализына сылтама белән хәбәр итә.

Халыкара авиация комитеты ачыклавынча, очкыч һавага күтәрелеп 2,5 минуттан соң 1,3 мең метр биеклектә төзексезлек барлыгы ачыкланган. Индикаторда тизлек сәгатенә 465 — 470 чакрым күрсәткән.

Мәскәү- Орск маршруты буенча очучы Ан-148 самолеты 11 февральдә Мәскәү янында һәлакәткә тарыды.

Фото: архив/Михаил Захаров