Архивка кунаклар килде

13 гыйнвар көнне Балтач район башкарма комитетының архив бүлегенә Федераль архив агентлыгы җитәкчесе урынбасары А.В. Юрасов, Татарстан Республикасының Архив эше буенча Дәүләт комитеты рәисе Г.З. Габдрахманова килделәр һәм безнең район архивы хезмәткәрләренең эшен югары бәяләделәр.

Кунаклар бүлекнең агымдагы эше, узган елның йомгаклау күрсәткечләре, 2019, 2020 елларда откан грантларны гамәлгә ашыру барышы белән таныштылар, агымдагы елда капиталь ремонт планлаштырылган ведомствоара архивы урнаштырылачак бинада булдылар. Кунакларны Балтач муниципаль районы башлыгы Р.Р. Нотфуллин һәм Балтач район башкарма комитеты җитәкчесе А. Ф. Хәйретдинов каршы алды һәм озатып йөрде.