Автоледи билгеле – Зәлия Закирова (фото)

Ильнур, 9 июль 2015 - 13:43

2370

Бүген районыбызның гүзәл затлары арасында «Автоледи - 2015» ярышы узды.

Автоледи билгеле – Зәлия Закирова (фото)

Бәйгедә 9 автоледи көч сынашты: үзләренең белемнәрен һәм машина йөртү осталыкларын күрсәттеләр. Ярышның беренче өлешендә жюри кызларыбызның белемнәрен теоритик яктан тикшерсә, икенче этапта практик күнекмәләр бәяләнде.

Киеренке ярышта 35 очко белән Зәлия Закирова - беренче, 32 шәр очко белән Лилия Шәйхетдинова - икенче, Зилия Гыйльметдинова өченчедә урында җиңүче дип танылдылар.

Аларга Мактау таныклыклары һәм саллы бүләкләр тапшырылды. Шулай ук Ландыш Гарифуллина, Гөлназ Гыйльметдинова, Фәнзилә Камалова, Алсу Әхмәдиева, Әлфия Аджигитова, Гөлшат Сибгатуллина әлеге ярышта катнашып, үзләрен сынап карадылар.

Зәлия Закирова район данын яклап, республика күләмендә үткәреләчәк бәйгедә катнашачак. Уңышлар телик аңа!