Аягыннан эләктереп калган...
15нче кат балконыннан “очкан” хатынга гомер бүләк иткәннәр.
Иркутск шәһәрендә “МЧС” хезмәткәре бер хатынны 15нче кат балконыннан аска очкан вакытта тотып калган. 18 мартта булган бу хәлне каршы йорттан берәү видеога төшереп торган.
Язмадан күренүенчә, хатын, үз фатирында бикләнеп, якты дөнья белән шул рәвешле бәхилләшмәкче булган. Коткаручылар аны 14нче кат балконыннан озак кына мондый адымга бармаска үгетли.
Балкон тимеренә тотынып торган хатын кулларын ычкындырып җибәрүе була, коткаручыларның берсе аны аягыннан эләктереп кала һәм балконга сөйрәп кертә. Бу күренешне подъезд алдында хәйран калып күзәтеп торучылар кеше гомерен саклап калучыга алкышлар белән рәхмәт әйтә.
Автор: Юлия Төхбәтуллина
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев