Балтач эчке эшләр бүлеге егетләрне эшкә чакыра

– Биредә эшләүчеләр үзвакытында тотрыклы хезмәт хакы ала, ел саен 45 көнлек чираттагы ялын итә (ял көннәре керми; берәр җиргә барсаң, юлга киткән көннәр өстәлә), – ди кадрлар белән эшләү бүлеге җитәкчесе, Эчке хезмәтләр подполковнигы Алмаз Сибгатуллин. – Тәҗрибәң үскән саен, чираттагы ялың да озыная, хезмәт хакың да арта. Армиядә хезмәт иткән булсаң, егерме ел эшләгәннән соң, хәрби хезмәтеңне дә исәпләп, лаеклы ялга китә аласың. Телисең икән, Рәсәйнең Эчке Эшләр министрлыгы системасындагы уку йортларында бушлай югары белем дә алып була. Карьера үсеше дә көтелә. Бушлай медицина ярдәменә өмет итә аласың. Социаль гарантияләр дә каралган.