Балтач урамнары матур (+фото)

Без күпме генә зарлансак та, тормышларыбыз мул, көнкүрешебез сокланып туймаслык. Торыр йортың, ашар икмәгең булу нинди олы бәхет. Кулыннан килгәннәр, мөмкинлеге булганнар үз тирә-якларын гөл итеп тотарга да иренми. Районыбызга кайткан кунаклар да Балтачыбыз урамнарының матур булуына соклануларын яшерми.

Күптән түгел Актанышта яшәүче дустым Резида Храмова Балтачта кунак булып китте. Резида ханым танылган райондашыбыз, Таузар авылы кызы Эльвира Ибраһимованың каберен зиярат кылырга, туганнарының хәлен белергә еш кайта. Кайткан саен Балтачыбызның матырлыгына сокланып китә.