Балтач волонтерлары цифрлы телевидениене кабул итү өчен куллану җиһазларын урнаштырып, җайга салачак? (+фото)
Бүген Балтач мәдәният үзәгендә цифрлы телевидениене кабул итү өчен куллану җиһазларын урнаштыру һәм җайга салу мәсьәләләре буенча волонтерларны укыттылар.
Алдан хәбәр иткәнебезчә, агымдагы елның 3 июненнән Татарстанда цифрлы телевидениегә күчү сәбәпле “аналог” сигналы эшләүдән туктаячак. Гади тел белән әйткәндә, әгәр сез бүгенге көндә телевизорны өй яки урамга көйләнгән антенна аша карыйсыз икән, җәй башында әлеге мөмкинлек бетәчәк, махсус приставкалар кирәк булачак (барлык телевизорларга да түгел).
Татарстанда яшәүчеләргә цифрлы телевидениене көйләргә волонтерларга булышачак. Республикада барлыгы меңнән артык волонтер эшләячәк. Аларны укыту башланды. Бүген мондый укулар безнең районда да үтте. Әлеге эшкә барлыгы 3 дистәдән артык волонтер җәлеп ителде.
Фото: автор
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев