Балтачта балигъ булмаган балалар белән эшләү комиссиянең чираттагы утырышы

Аларга тагын бер мәртәбә аңлату эшләре алып барылды. Тик ни хикмәт алар бу турыда бик яхшы белә. «Бала уннан соң өйдә булырга тиеш, без бу хакта беләбез, мәктәптә дә әйтеп кенә торалар. Беренче мәртәбә генә эләгүләре», дип акландылар. Комиссиядәгеләр генә моның беренче булуына шикләнеп карады. Көндәлек контрольдә булган бала берничек тә инспекторларга эләгә алмый. Менә шушы беренчедән башлана да инде ул бөтен тәртипсезлек.

Комиссия әгъзалары шулай ук клуб мөдирләренә дә балаларга карата игътибарлырак булуны таләп итү кирәк дигән нәтиҗә ясады. Чөнки нәкъ менә тематик дискотекалар сәгать 11ләргә кадәр дәвам итә икән.

Комиссия утырышында кайбер эчкече әти-әниләрнең бала тәрбиясе белән тиешле дәрәҗәдә шөгыльләнмәве хакында да сөйләшенде. Аларга катгый таләпләр куелды.