Балтачта «Ул бик яхшы укучы!» бәйгесе уздырыла

Темаларның берсе һәрчак сыйныфтагы иң яхшы укучыны язу һәм район газетасына юллау булды. Башка язмалар чыкмый торганда да, иң яхшы укучы турындагы мәкаләләр матбугатта урын ала килде һәм бу тема хәзер дә актуальлеген югалтмый, һәр мәктәптә, һәр сыйныфта яхшы укучылар бар. Әйдәгез әле, хөрмәтле укытучылар, сыйныф җитәкчеләре, укучылар, мәңге җуелмас теманы газетабыз битләрендә яңартып, "Ул бик яхшы укучы!" дигән темага бәйге уздырып алыйк. Җиңүче булып, һәрьяктан алдынгы сыйныфташы турында иң матур, оста һәм кыска итеп мәкалә язган укучы билгеләнәчәк. Язмалар мәктәпләрдә соңгы кыңгыраулар яңгыраганчы кабул ителәчәк, ә бүләкләү бәйрәм тантанасында булачак. "Соңгы кыңгырау" бәйрәмендә кайсы мәктәпнең район газетасы "Хезмәт"тән бүләк аласы килә, рәхим итеп, бәйгебездә катнаша ала. Язмаларны бүгеннән үк, фотолар белән бергә, газетабызның электрон адресына (BaltasiRed2005@yandex.ru) юллый аласыз.

Фото:toy86.ru