Балтачта Яңа ел төне ничек узган?

Безгә килеп ирешкән мәгълүматлар буенча,  Балтач районында Яңа ел төне хәвеф-хәтәрсез, бәла-казасыз, югалтуларсыз, гомумән, тыныч узган. Аллага шөкер! Алайса узган ел да, аннан алдагы әтәч елында да янгыннар куркыткан иде. Янгын сакчыллыгы бүлеге дә, полиция дә бәйрәмнәр тыныч кына бара дип белдерә. Хастаханәдән дә куркыныч хәбәрләр алынмады. Вак-төяге бер дә юк түгелдер инде аның, бардыр, әмма алары урында-вакытта килеш кенә хәл ителгәндер. Тынычлык, иминлек белән башланган Күсе елы ел азагына кадәр шулай матур гына дәвам итсен. Матур яшик! Бай яшик! Сәламәт булыйк!