Баш мөхәррир сүзе — 2021!!!

Шушы авыр елның елъязмасын, кадерле укучыларыбыз, сезнең белән бергә яздык, бергә булдык.

Социаль челтәрләрнең, электрон мәгълүмат чараларының үсүе газета-журналларның киңрәк таралуына күпмедер киртә булып тора. Шуңа да карамастан, 2021 елда 4028 данә газетабыз (шуның 634е – «Азьлане») районыбыз өйләренә килеп, яңалыклар, яхшы хәбәрләр, райондашларыбызның тырыш хезмәтен күрсәтеп, Сезгә ышанычлы юлдаш булачак. Редакция хезмәткәрләре тырышлыгы белән социаль челтәрләрдә татар телле чыганаклар арасында газетабызның электрон версиясе – сайтыбыз, Инстаграм, Вконтакте битләре республикада беренче урында.

Кадерле газета укучыларыбыз! Тагын бер кат олы рәхмәтемне белдереп, бу Яңа ел сезгә, якыннарыгызга сәламәтлек, гаиләләрегезгә иминлек, тигезлек алып килсен дигән изге теләкләремне җиткерәм. Бергә булыйк!