Бер яхшы сүз җанны дәвалый

Миңа 8 августтан 17 августка кадәр район үзәк хастаханәсенең хирургия бүлегендә ятып чыгарга, операция кичерергә туры килде.

Шул вакытта биредә эшләүчеләрнең пациентларга карата игътибарлы һәм ихтирамлы булуларына бик сокланып кайттым.

Бүлек мөдире Сәидәхмәт Гаипназаровка һәм аның кул астында эшләүче шәфкать туташларына, техник хезмәткәрләргә, биредә исемнәре әйтелмәгән һәммә кешегә олуг рәхмәтләремне ирештерәсем килә. Якты йөзләре, тәмле телләре аша авыруларга сәламәтләнергә ярдәм иткәннәре өчен Аллаһ Тәгалә үзләрен дә зурласын, һәркайсына ныклы сәламәтлек, гаилә бәхете, эшләрендә уңышлар теләп калам. 

3 палатада ятучы Ришат, Мидхәт исеменнән 
Наил Муллагалиев
Югары Сәрдек авылы