Бер җирдә шундый күп Шүрәлеләр... кайда дисезме?..
Балтач бистәсенең 2 нче номерлы балалар бакчасында булыр алар. Бакча фойесының бер почмагын тутырып утыралар.
Каян барлыкка килгәннәрме? Бакча балаларының әти-әниләре шулай оста биредә. "Өстәмә эш булыр микән инде дип авырсынып кына тәкъдим итеп караган идек үзләренә, -- ди бакча мөдире Лилия Гаднановна.-- Нинди тырыш булып чыктылар, атна башыннан бирле бакчабызны Тукаебызның әкият герое белән баета киләләр. Чын күңелдән рәхмәт аларга."
Агачтан, кәгазьдән, орлык-бөртекләрдән, тукымадан, губкадан һәм башка чималлардан эшләнгән Шүрәлесе, Шүркәсе күп монда. Агачтан ясалган кап-кара Шүрәледән үзем дә өркеп куйдым, Тукайның Шүрәлесе пүчтәк миннәйтәм, менә монысын күрсәң, котың очарлык, чын урман сарыгы...
Әй Шүрәле, Шүркәләр,
Куркытып та куялар --
Кети-кети уйныйк әле
Дигән кебек бит алар.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев