Бердәмлектә безнең көч!

Ильнур, 20 апрель 2015 - 11:14

2373

Хөрмәтле балтачлылар! 2014нче елда үткәрелгән референдумда актив катнашып, үзара салым акчасына үзәк ял паркын төзекләндерүгә ирештек.

Эше әле тәмамланмаган булса да, беренче бәйрәмнәребезне аның мәйданында матур итеп үткәрә алдык. Сезгә моның өчен рәхмәтебезне белдерәбез!

Бу елда, март аенда үткәрелгән тавыш бирүдә Балтач бистәсендә яңа зират төзелеше мәсьәләсе куелды. Яңа зират Балтач бистәсенең өске ягында, Көек авылына баручы юл буена урнашачак. 18 яшьтән башлап, сайлау хокукына ия булган һәркемнән, бер кешегә 200 сум исәбеннән, салым акчаларын турыдан-туры Балтач шәһәр җирлеге башкарма комитетына китереп тапшыруыгызны сорыйбыз. Уңайлылык өчен Сезнең кулыгызга түләү турында квитанция бирелә, банкларга барып йөрү кирәкми. Бердәм булганда, куелган бурычларны без үтәп чыгарбыз дип ышанам.