Безгә янәдән кыш килде, ә сездә ничегрәк???

Иртән торып күзне ачсак, дөнья акка төренгән, бар җиргә ап-ак кар яткан.

Ялларда яңгыр явып, кары сибәләп торса, бүгенгә янәдән кыш килгән диярсең.

– «Сыерчык бураны бу! Бу буран булмаса бик начар буласы иде”, ди Яңгул авылында яшәүче Әмир ага Шәрәфиев.– “Сөмбикә” журналы сорашканда әйткән идем инде, әле сыерчык бураны буласы бар дип. Бик файдалы буран булды бу. Әле беркөнне кыяк суган утыртырга дип җир китмәнләргә чыктык, туфракның бөтен дымын алып бетергән. Яңгыры да күп яумады бит аның. Төннәрен җилләр дулап тора. Бик әйбәт булды бу буран, куанырга гына кирәк буранга...