Безнең Зөһрә бәйли дә, бәйли...

Безнең авылның кызлары нәрсәгә генә тотынсалар да җиренә җиткереп, матур, үзенчәлекле итеп башкаралар. Зөһрә бәйләгән әйберләргә дә исләрең китәрлек. Кайчагында боларны чынлап та гап-гади куллар башкардымы икән дип уйлап куясың. Зөһрә чып-чын замана белән бергә атлаучы ханым. Хәзерге яшьләр бәби үстергәндә дә кулларына шөгыль табарга, гаиләгә табыш китерергә тырышалар. Бу бик матур гадәт минемчә. Зөһрә үзенең кул эшләрен матур итеп тәкьдим итә белә, хезмәтеннән тәм табып яши. Синең кебек алтын куллы ханымнар күбрәк булсын иде, Зөһрә. Кулларың тудырган хезмәткә куанып, хезмәтеңнең әҗерен тоеп, куанып яшәргә насыйп булсын, авылдаш.

Лилия Гарифуллина