Биш таҗлы сирень чәчәге тылсымына ышанасызмы?

Мәктәптә укыган вакытта күршедә яшәүче Якуб абыйның капка төбендә үсеп утырган сиреньнәр атканын түземсезлек белән көтеп алып, биш таҗлысын табарга тырыша идем, янәсе, андыйны ашасаң, имтиханнарны да бишле билгесенә тапшырасың.

Дөрес, хәзер ул өй дә, сиреньнәр дә юк инде, мәктәпне тәмамлаганга да 14 ел вакыт үтте, ләкин әлегәчә шушы агач чәчәк аткан вакытны бик яратам мин. Әле дә кеше күрмәгәндә биш таҗлысын эзләп табып ашыйсы килә. Сез дә биш таҗлы сирень чәчәген ашый идегезме?
– Әйе
– Юк
– Андый имеш-мимешкә ышанмыйм
– Ашап, файдасын күрмәдем.