Бриллиант туйларыгыз котлы булсын! (+фото)

Тау Зары авылында гомер итүче Әдәрәт Габдрахман улы белән Фирая Муллагали кызы 60 ел элек "бергә гомергә" дип гаилә корып җибәрәләр. Быел алар бриллиант туйларын билгеләп үтәләр. Әлеге матур гаиләне ГХАТ бүлегенең әйдәп баручы белгече Люция Нигматҗанова, район ветераннар советы рәисе Рифат Абдуллин, "Кайтаваз" радиосы җитәкчесе Гөлйөзем Маннапова, Карадуган авыл җирлеге башкарма комитеты җитәкчесе урынбасары Фәйрүзә Миннебаева котладылар. Киләчәктә дә шулай пар канат булып, иңне-иңгә куеп, балаларының, оныкларының бәхетен күреп, сәламәтлек белән яшәргә насыйп булсын дигән теләктә калдылар.