Бу катнашма көчле ютәлне дә бетерә

Бу аңлашыла да: чөнки ул - әбиләребездән калган рецепт, нигезендә натураль компонентлар ята. Тиз арада савыгырга яисә аякка басарга кирәк булса, шушы катнашмадан файдаланыгыз.

Беренче эш итеп 1 стакан сөт кайнатыгыз. Шуңа 1 аш кашыгы атланмай һәм 1 аш кашыгы бал салырга кирәк. Аерым савытта йомырка сарысына бал калагының очына гына чәй содасы салып яхшылап болгатыгыз. Шуннан ике катнашманы бергә кушкач, тәмле ризык килеп чыкмас, әлбәттә, тик файдалылыгы буенча тиңнәр булмас.

Шушы борынгы катнашма белән әбиләребез бронхит, ларингит, хәтта трахеитны да дәвалаган.

Балагыз ютәлли башласа, даруханәгә йөгергәнче йомыркалы катнашма эчереп карагыз, үкенмәссез, дип яза “Саулык. Татар халык медицинасы”.

Фото: pixabay.com.

Автор: Фануз Хабибуллин

https://kiziltan.ru/articles/poleznoe/Bu-katnashma-k-chle-yut-lne-d-beter-800725/?utm_source=vk&utm_medium=social&utm_campaign=32350601