Бу урында уен һәм спорт мәйданчыгы булачак! Урын әзер!
2017 ел Яңа Салавыч халкына күптән көтелгән олы сөенеч – мәчет бүләк итсә, быелгысы да күптәнге тагын бер хыялыбызны чынга ашырырга охшап тора.
Бу көннәрдә әлеге мәчет янәшәсендә, иске клуб белән ике арадагы иң матур урында кызу эш “кайнап” алды. Тау битенең бер өлеше биек агачлардан чистартылды. Моннан берничә ел элек, авыл халкы бергәләп күмәк өмәләр үткәреп, без ул урынны вак-төяк куаклардан, корыган агачлардан чистарткан идек инде. Ул чакта ук бу урында балалар өчен уен мәйданчыгы ясау хыялы туган иде... Ниһаять, беренче адымнар ясалды. Авылыбызның иң матур, иң уңайлы урынында төзеләчәк әлеге мәйданчык балалар өчен дә, яшьләр өчен дә зур бүләк булачак.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев