«Бүген безнең өчен иң авыр көн – әтинең вафатына 4 ел»
Искә төшкән саен яшь атылып чыга, тыгылырга гына торам
Алсу Фазлыева социаль челтәрдәге сәхифәсендә вакытсыз вафат булган әтисен искә алган.
«Бүген безнең өчен иң авыр көн – әтинең вафатына 4 ел. Бу хәбәрне ишетү аяз көнне яшен суккандай булды. Тимер кебек, яшьнәп яшәүче әтиебез 62 яшендә вафат булды. Әтиемне соңгы тапкыр күрүемне белгән булсам… Шулкадәр яшәргә тырышты. Бигрәк кыска гомерле булган.
Әни белән безне аякка бастырып, кеше итәргә тырышып, укытып, олы юлга озатканы өчен чиксез рәхмәтлемен. Эшләргә ярата иде, үзе дә тик тормады, безне дә тик тотмады, гел эшләтте. Шуның җимешен татыйбыз хәзер…
Әти, сине искә алып Коръән укыттык. Рухың шат булсын. Искә төшкән саен яшь атылып чыга, тыгылырга гына торам. Вакыт үтсә дә, яра төзәлми. Безне саклап йөрт, әнине саклап тор. Син мәңге безнең йөрәктә», – дип күңелендәгесен виртуаль дуслары белән уртаклашкан җырчы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев