Бәйрәм белән сезне, эретеп ябыштыручылар!

Безнең районда да эретеп ябыштыручылар аз түгел, кайсын гына алма, һәрберсе үз эшен җиренә җитереп башкара. Әлеге хезмәт җиңелләрдән түгел, җаваплылык, җентеклелек, төгәллек һәм пөхтәлек таләп ителә, сәламәтлекне дә нык бетерә. Ә шулай да хезмәтен яратканнар сәламәтлекләрен кызганмый, игелекле эшләр кыла бирә. Эретеп ябыштыручылар кулы белән могҗизалар туа, капкаларга бизәкләр куна, бик вак эшләр дә күзгә күренеп эреләнә, көнкүреш проблемалары да җиңел хәл ителә. Тазалык, тынычлык, гаилә бәхете телик фидакарь җанлы һөнәр ияләренә!