Чаллының «Палитра» сәүдә үзәгеннән 83 кешене эвакуацияләгәннәр
Тынычлык проспектында урнашкан сәүдә комплексының беренче катындагы электр щитында кыска ялганыш килеп чыккан.
(Казан, 23 август, «Татар-информ»). Чаллының «Палитра» сәүдә үзәгеннән 83 кешене эвакуацияләгәннәр. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә Гадәттән тыш хәлләр министрлыгына Тынычлык проспектында урнашкан сәүдә комплексының беренче катындагы электр щитында кыска ялганыш хасил булуы турында хәбәр килгән.
Бинадан ашыгыч рәвештә персонал һәм сатып алучыларны эвакуацияләгәннәр. Урынга янгын сүндерүчеләр дә килгән.
Кизү торучы электрик кыска ялганышның ни сәбәпле килеп чыгуын ачыклаганнан соң, сәүдә үзәге эшен дәвам иткән.
Фото: соцсети
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев