Чын йөрәктән

12 апрель көнне гаиләбезгә күтәрә алмаслык олы кайгы килде. Кадерле тормыш иптәшем, әтиебез, оныкларының яраткан бабалары Мөнир Гарифҗан улы Саттаров мәңгелеккә күзләрен йомды. Шушы авыр минутларда ярдәм кулы сузган, кайгыбызны уртаклашкан, соңгы юлга озатканда булышкан күршеләргә, туганнарга, дусларга, авылдашларга, балаларымның хезмәттәшләренә олы рәхмәтебезне җиткерәбез. Аерым рәхмәтебезне күршебез Азатка, Мөнирнең бертуган энесе Фәргатькә һәм килендәшем Фатыймага ирештерәм. Көннең кайсы вакыты булмасын, алар һәрвакыт ярдәм иттеләр. Барчагыз да сау-сәламәт яшәгез, изгелекләрегез үзегезгә меңе белән әйләнеп кайтсын.

Мәрхүмнең тормыш иптәше, балалары, оныклары,

Салавыч Сәрдегәне авылы