Ел ахыры – ел башы

Хәниф БАРИЕВ, “Мелиоратор” җәмгыяте җитәкчесе: “Кемнәрдер узып баручы елны авыр булды дисә дә, безнең коллектив өчен ул уңышлы ел булды. Бүгенге көнгә кадәр хезмәткәрләрне эш белән тәэмин итә алдык. Программага кергән барлык эшләрне эшләп, хезмәт хакларын һәм салымнарны вакытында түләдек. Әлеге елда эштә тагын да сыйфатка басым ясап, халык өчен файдалы хезмәтләр башкардык. Шуның күпмедер өлеше үзара салым акчасына эшләнде. 2017 елда оешмада өстәмә эш урыннары булдырдык һәм шунысы сөендерә, коллективыбыз көннән-көн яшәреп, эшкә күбрәк яшьләр килә башлады. 2018 елда да коллективны саклап калып, тагын да үсеш белән барырбыз, төрле өлкәдәге эшләрне башкарырбыз дип ышанып калабыз”.