Эльвирабызның иҗатын чит илләрдә дә хөрмәт итәләр, яраталар

Быел бәйге өченче елын үтте. Тәүге бәйгене Актанышлылар зурлап башлаган иде, икенче елын Эльвирабызның иҗатын яратучылар өчен шигырь мәйданы Балтачыбызда гөрләде. Быел исә бәйге кабат Актанышта узды.Быелгы чарада чит илдә яшәүчеләр дә катнашкач, бәйге халыкара статус алды. Америка, Кипр, Италиядә яшәүче татарлар да катнашты.Видеобәйгедә барлыгы 104 кеше көч сынашты.
– Республика күләмендә үтә торган Эльвира Ибрагимова истәлегенә багышланган «Моң кайтавазы» халыкара нәфис сүз видеобәйгесен оештыручыларга, минем ижатыма шундый бәя биргәннәре өчен, минем туганнарыма, дусларыма мең-мең рәхмәтләремне житкерәм. Бу бик зур мотивация бирә. Тагын да яңа, тагын да яхшырак видеоязмалар төшереп, сезне сөендерергә язсын, – ди Гран-при иясе Айдар Шакиров.