“Факел” өлкәннәрне бәйрәмгә җыйды

Кичәгә Төзүчеләр урамында яшәүче тыл ветераннары һәм сугыш елларында туган өлкәннәр чакырылган иде. Хөрмәтле кунаклар өстәл артында чәй эчеп, бәйрәм концерты карап ял иттеләр, үзләренең хатирәләре белән уртаклаштылар. Чара "Факел" түгәрәкләренә йөрүче балаларның матур чыгышлары белән үрелеп барды, ә Төзүчеләр урамында яшәүче җырга-моңга бай апаларның гармун көенә җырлавы бәйрәмнең чын бизәге булды. Сугыш елларының барлык авырлыкларын үз җилкәләрендә татыган барча өлкәннәребезгә тагын бер кат олы рәхмәтебезне әйтәсебез килә, саулык-сәламәтлек һәм озын гомер телибез сезгә!