Гел таң калдыра бу Сәлимә апа, тагын битенә менә нәрсә куйган

“Сыйныфташ кызлар очрашуының чираттагысы, - Салавычта, искиткеч гади, кунакчыл Әнисә һәм Әмир Нәсыйховлар гаиләсендә булды , – дип яза ул бу юлы социаль челтәрдәге шәхси битенә. – Сагынышканбыз, сөйләшер сүзләр күбәйгән, истәлекләрне яңартып, матур кунак булдык. Афәрин, Нәсыйховлар, классташлар!!!!!”

 Киләсе елга мәктәпне тәмамлауларына 40 ел буласы икән. Шигъри җанлы, оештыру сәләте ташып торган, нәрсәгә тотынса да гөлләр кебек башкарып чыгучы Сәлимә ападан үрнәк аласы иде дә бит, юк шул, аның өчен Сәлимә апа һәм аның дуслары, Яңгулдагы авылдашлары, сыйныфташлары кебек булырга кирәк шул! Яшәүдән ямь-тәм табып яшәүче райондашларыбызга “Афәрин” дими ни дисең!