Үгез елын каршылаганда ниләр бүләк итәргә?

Ак металлик Үгез елында кешегә көндәлек тормышта кирәк булачак бүләкләр ясарга кирәк. Мәсәлән, аш-су бүлмәсендә еш кулланылачак савыт-саба, кирәк-ярак – үгез рәсеме төшкән чынаяк, алъяпкыч һәм башкалар.

Бүләкләрнең төсе ак, металлик булса яхшы.

Табигать кочагына чыкканда кулланыла торган җиһазлар бүләк итсәгез дә әйбәт булыр.

Якыннарыгызны йомшак халат, җылы плед белән сөендерсәгез дә үгез күңеленә хуш килер.

Ә инде юмартланып китсәгез, ике дә уйламыйча көнкүреш техникасы бүләк итегез. Мәсәлән, блендер, миксер, каһвә пешерә торган җайланма һәм башкалар, дип яза Кызыл таң.

Фото: pixabay.com/ru

Автор: Ләйсән Якупова