Гөлҗимешнең зыянын тапканнар. Тамырын корытачаклар!

Ил җитәкчелеге шундый фәрман чыгарган.

Бәхеткә, безнең ил түгел, Финляндия. 1 июньнән анда гөлҗимеш зыянлы үсмелекләр исәбенә кертелгән, аны чит илләргә чыгару һәм сату тыелган. Финляндиядә гөлҗимеш 1990 елларда барлыкка килә һәм ил буенча нык тарала. Әле исә властьлар аны бөтен бакчалардан, парклардан һәм юл кырыйларыннан юкка чыгарырга карар иткән.

Моның өчен махсус техника куллану планлаштырыла.

Моннан тыш, Финляндиядә бүре һәм этнең кушылмасы булган волкособ токымлы этләрне тоту тыела. Ләкин законда чыгарма да бар, 1 июньгә кадәр алынган булсалар, этләрне гомерләре беткәнче тотарга мөмкин.

Менә шундый законнар Финляндиядә, дип яза Кызыл таң. Кемнәр чыгара микән аларны!

Фото: pixabay.com/ru