Гөлназ 2020 елны ни өчен җиңүләр елы ди?!

2020 ел үзизоляция, карантин, коронавирус кебек күңелсез хәлләргә бай булса да, мин бу елга бик тә рәхмәтле. Беренчедән, үзем һәм минем әти-әнием, туганнарым исән-сау һәм бу иң мөһиме. Икенчедән, бу ел миңа җиңүләр китерде. Февраль аенда Рәсәйкүләм "Ана теле - 2020" конкурсында 3 урын яуласам, шушы көннәрдә генә КФУның "Ел студенты" конкурсында да номинациядә җиңү яуладым. Өченчедән, 2020 ел мине сабыр булырга, куйган максатка ирешергә, югалып калмаска өйрәтте. Балтачлыларга, иң беренче чиратта, сәламәтлек, күңел тынычлыгы, гаилә бәхете, муллык телим. Кеше өчен иң мөһиме шулар.