Гөлсирин Абдуллина иренең әниләре, туе турында сорауларга җавап бирә
Гөлсирин Абдуллина үзенең инстаграм аккаунтында подписчикларының сорауларына җавап бирде. Иң кызыклыларын сайлап алып, сезгә тәкъдим итәбез.
– Буегыз һәм авырлыгыгыз күпме?
– 150 һәм 43.
–Килен булу авырмы, ияләнеп буламы яңа гаиләгә?
– Аллага шөкер! Баштарак оялтты инде. Ияләнәсең.
– Кыз туса нинди исем кушар идегез?
– Элегерәк матур исемнәр ишеткәндә кызым, улым булса, шушы исемне бирер идем дигән уйлар әйләнеп уза иде. Ә хәзер уйлаганым юк нигәдер. Ирем белән матур исем табырбыз дип уйлыйм!
– Яраткан ашамлыгыгыз нинди?
– У-у-у. Яратам мин ашарга, тиз Азат әз ашыйсың ди. Бәрәңге, ит ризыклары; чәйгә: ак ипи өстенә авыл каймагы һәм шикәр…
– Кайчан инде туегыз була? Рамазан ае беткәчме? Алда әле Сабантуйлар…
– Нәкъ шулай, алда әле Сабантуйлар! Бар нәрсәнең үз вакыты!
– Күңелле яңалык белән бүлешмәдегезме? Бәлки мин күрми калганмындыр…
– Нинди яңалык ишетәсегез килә? Яңалыклар белән һәрвакыт бүлешеп торабыз!
– Туй күлмәге алдыңмы инде?
– Алам!
– Азатның әти-әнисенә кем дип эндәшәсең?
– Әти, әни!
– Азат кайсы ягы белән сезне үзенә каратты?
– Бар булганы белән. Иң мөһиме “олы йөрәклелеге белән!”
– Җырчыга кечкенәдән үк барырга тели идегезме? Үзегез сайладыгызмы бу эшне?
– Сәбәпчеләр әти-әни булды! Әни сөйләве буенча 9 айда “ җырла әле кызым” диюгә сызгырып көйли торган булганмын. Тик хәзер сызгыра белмим. Үзем сайладым!
– Азат матур сүзләр еш әйтәме?
– Азат: — Матурым, мин матур сүзләр сөйли белмим, әмма алай да әйтәм”, — ди!
– Азат белән ничек таныштыгыз?
– Без җырлар карарга барган идек бергә. Аның 14 моделле машинасына кереп утырдым…
– Азат сезнең күңелне яуларга тырыштымы яки сезгә аның күңелен яуларга туры килдеме?
– Азат минем күңелне яулады!
– Азат белән еш ачуланышасызмы?
– Бөтен кешеләрдәгечә.
– Сез туйлар алып барасызмы? Яисә туйларда җырлыйсызмы?
– Алып бармыйм. Җырлыйм.
– Аяк кимеңнең размеры нинди? – 36.
– Азат абый белән иң беренче төшкән фотогыз нинди?
– «Сценическое движение» дәресендә төшереп алган фотосурәт. Азат 1 курска кергән вакыты, “синнән башка беркемне белмим, әйдә бергәләп бу биюне башкарыйк” диде.
https://tatar-today.ru/2019/05/47248/
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев