Хаҗиевлар КФХсында

Андагы идеаль чисталык, тырыш хуҗаларга хас пөхтәлек, абзарларның зур итеп, уңайлы һәм бик матур итеп төзелүе барысының да игътибарын җәлеп итте. Авыл җирлеге башлыгы Рифнур Йосыповтан да, хуҗа Мансур Хаҗиевтан да авыл тормышы, эшчәнлеге турында аерым-аерым да килеп, сораштылар. Хәер, кунакларны үз юнәлешләре генә түгел, район тормышына кагылышлы һәр әйбер кызыксындыра иде. "Юлда барганда сорамаган бер темалары калмады, мәгариф белән дә нык кызыксындылар, - ди бу төркемне озатып йөрүчеләрнең берсе, Балтач урта мәктәбе директор урынбасары Руфия Закирова. - "Ива тал"га керәбезме , дип тә сорадылар. Аны да беләләр!"