«Хезмәт» редакциясендә олы кунак (фото)

Танымыйча да торам, Түнтәр авылыннан безнеӊ газетабызныӊ дусты, сайтыбызны һәрвакыт күзәтеп баручы Эльвина Иванова икән. Балтачка әбисе Әльфинур ханым белән килгәч, безгә дә керергә ниятләгәннәр. Буш кул белән килмәгәннәр, яӊа чәчәк ата торган гөл һәм җыр дискларын калдырып киттеләр.

Бераз дөнья хәлләре дә сөйләшеп утырдык. Казанда үткән «Илһам» - Бөтенроссия яшь язучылар бәйгесе лауреаты булган иде Эльвина. Кызганыч, һава шартлары аркасында бүләген генә зур язучылар, шагыйрьләр кулыннан ала алмады, ул көнне Казанга автобусларны җибәрмәделәр. Ничек кенә булмасын, ул зур бәйгедә Җиӊуче. Үзенә дә эш бирдек әле - җәй вакытында булган хәлләр вакыйгалар турында хәбәрләр җибәреп торырга килештек. Ялларыгыз матур, күӊелле үтсен дип без аӊа үз теләкләребезне дә җиткердек. Исән-имин булыгыз!