Хуҗалыклар Сабан батырларын ачыклый

Сабан батырларын ачыклау ише күңелле мәшәкатьләр белән мәшгуль. Кайдадыр нәтиҗәләрне тулы "команда" - белгечләр, игенчеләр белән кырларны карап, анализ ясаганнан соң, бәйрәм табынында игълан итәләр, кайдадыр кырларны ветераннар белән бергәләп карыйлар, кайдадыр бу эшне белгечләргә тапшыралар.

Ничек кенә булса да, Сабантуйлар алдыннан игенчеләргә беренче этап кыр эшләре нәтиҗәләре буенча аерым игътибар-хөрмәт күрсәтү кирәкле һәм күңелле әйбер. Әле бит аларга авыл, район Сабантуйларында тагын хөрмәт күрсәтеләчәк. Иртә таңнан кичкә кадәр кырда эшләгән кешеләргә, билгеле, болар һич тә артык түгел. Алда әле озын-озак җәйләр, берсенә-берсе ялганган күптөрле кыр эшләре көтә. Сабантуйда булган кадер-хөрмәтләр аларга кара көзгә кадәр тырышып эшләрлек энергия, стимул бирерлек булсын.