Янгыннан биш йортка зыян килгән
Йортлар бер-берсенә бик якын урнашканга күрә, күрше өйләргә дә ут капкан.
Татарстанның Актаныш районында янгын чыккан, берничә йорт зыян күргән. «Татар-информ»га Россия гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда хәбәр иттеләр.
Буаз Күл авылында янгын турында хәбәр Гадәттән тыш хәлләр министрлыгына бүген көндез килгән. Ачыкланганча, кеше яшәми торган йортка ут капкан.
Йортлар бер-берсенә бик якын урнашканга күрә, күрше өйләргә дә ут капкан.
Биш өйгә зыян килгән, икесендә ике хатын-кыз яшәгән. Вакыйгада берәү дә зыян күрмәгән.
Янгын сүндерүчеләр оператив рәвештә утны чикләп алган. Хәзерге вакытта белгечләр янгынның сәбәбен һәм мәйданын ачыклый.
Фото: Россия гадәттән тыш хәлләр министрлыгының ТР буенча Баш идарәсе матбугат хезмәте
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев